Page 64 - Versjes van Truus, deel 5
P. 64
Verbaoje
Ik mót d'r neet aan dinke,
det weej nog gen
glaeske wien mieër meuge drinke.
En haes dich in dae limonade
hiel vuuël zin?
Det meug ouk neet mieër.
Want dao zit sôkker in.
Weej mótte naor de sportschoeël.
En gezónd gaon laeve.
Slaaj, radieskes en kómkómmers aete.
En water drinke neet vergaete.
Ein sigaret in ein stadion of op ut strand.
Nae, det meug neet mieër in ‘Nederland’.
Genne tillefoon op de fiets.
Gen mailtje asse auto rieds .
Gen veurwerk mieër op straot.
Anders wuuërd de pliesie kwaod.
Genne auto efkes op de stoep.
En auwië as ut hundje haet gepoep.
Straks wuuërd de vastelaovend nog aafgeschaf.
Veur minnig-ein ein groeëtte straf.
Stille straote in de stad.
Gen hundje det nog blaf.
Alles wuuërd aan bande gelag.
Ik kin ut bijna neet onthalde.
-64- En wao ik ouk van baal. -65-
Is det ik idder jaor belasting beej betaal.
