Page 61 - Versjes van Truus, deel 5
P. 61
Parasol
Leev'n Hiër, nae ik bin neet kwaod op óg.
Haop det geej mich huuërt.
Al woeënt geej hiel wiet weg.
En neet beej mich in de buurt.
Dees waek heb nog getwiefeld.
Toen ik um eine folder zoog staon.
Ein parasol vur eine habbekrats.
Ik dach: “Nae, dáé laot ik neet gaon”.
Now steit hae in de schop.
Want det geit um neet waere.
Het leefste kroep ik
Met dit waer onder de vaere.
Geej regelt det toch allemaol?
Maar mien raegenton zit bijna vaol.
Wannier luustert geej ens nao mich.
Laarze aan in ‘zomerdaag’ det is toch gen gezich.
Leev'n Hiër, nae ik bin neet kwaod op óg.
Ik vraog allein wannier geit det gebeure?
Det ik mien ‘nieje parasol’
Weer oet de schop kin sleure?
-60- -61-
