Page 43 - Versjes van Truus, deel IV
P. 43
Mien Tegele
Tegele mien Tegele, wat bos dôw toch sjoën.
Ich bôn hiel gruëts op dich en bliej det ich heej woën.
As Pannekletser blief ich dich trouw.
Auch as ich in de vraemde zit.
Ich vergaet dich neet gauw.
Joes en Petatte Nelke die op de merret dao sjtaon.
Dao zinge de minse now nach van ,
"As weej wer nao Tegele gaon".
Zoë waas det vruuger en zoë is det nach.
Heej wuërd hiel vuël gezónge.
Heej klink eine'n blieje'n lach.
En met vastelaovend geit heej niks krangsúm.
Idderein dae zingt den met zien eige sjtúm.
Want jóngk en aad is den verkleid ,as det efkes kan.
Van vastelaovend viere dao kenne weej get van.
-42-
-43-
