Page 41 - Versjes van Truus, deel IV
P. 41
Laeve
Ós laeve is soms moeilik , ech.
Soms geit 't good, soms geit 't slech.
Soms hebse de waereld in dien hand.
Dan löp-se zónder zörg op 't witte strand.
Soms bisse de krach efkes kwièt.
Dan lièk 't eine verlaore strièd.
Zwaakte is op det moment ein sterkte.
En doon ós bes 't te verwerke.
En dink-se die pien geit noeëit mier weg.
Weej hebbe allemaol waal ens pech.
Focus dich op ein veilig hoès.
Kóm tot rös en veul dich thoès.
Dink nao ,veur de-se dich örges instort.
Want dao veur is het laeve ..........
........vuuël te kort.
-40-
-41-
