Page 74 - Versjes van Truus, deel III
P. 74
De 4 jaorgetièje
Der is zoe-vuuël Kunst in ein minselaeve.
De jaorgetièje alle 4 det kriège weej zoe-maar gegaeve.
De Lente met ein niej begin dan kriège weej wer gojje zin.
De veugelkes beginne dan drök te sjouwen
Um eur nieje nestjes te bouwen.
Het is ein Kunststök idder jaor.
En toch kriège zeej det wer klaor.
As de bloome dan euveral wer bleuje.
Auk det is ein Kunststök, as alles wer geit greuje.
En as dan alles is ontlaoke is de Zomer wer aangebraoke.
Dan kinne weej wer geneete van de natuur.
Det is allemaol ech,allemaol puur.
Ein Kunststök haole auk de bijen oèt.
Die haole beej de bleumpkes den honing droét.
Dan kump den Herfst,met Wind en Raegen.
En de buim gaon verkleuren.
Auk det zeen weej idder jaor gebeuren.
De Winter is dan wer dao, vuuël mise verlange d’r nao.
Maar de schoënste pries dae ós is gegaeve.
Leeve'n Hiër......... Gaef det weej gezónd meuge blieve laeve......
.
-74-
