Page 70 - Versjes van Truus, deel III
P. 70
Sinter Merte
Mam haet de haase en den das al klaorgelag.
Weej gao Sinter Merte inhaole,
haet ze ós gezag.
Van wièt aaf huure weej al de hermenie.
"Sinter Merte's veugelke ,
zinge weej hiél bliej.
Hónderddoezend fakkels schiene wie sterkes
In de nach.
"Let good op het kérske" haet Pap ós gezag.
Mam pak mich in den duuster nog snel beej de hand.
En wat waas ut .....miene fakkel stónd in brand.....
Werme traone rolde euver mien kalde wangen.
Niks kón mien verdreet toen nog vervange.
Den troshoup brandde en Sinter Merte kwaam veurbeej.
Hae had neet in de gaate det ik zoe leej.
Dao stónd ik met ein stekske zònder fakkel
En ein traon.
En bin toen hiél bedreuf....
.........met Mam nao hoés gegaon.......
-70-
