Page 86 - Versjes van Truus, deel 5
P. 86
Wat vluug d'n tiéd
Gen kinderfeesje mieër
met limonade en ein ballunke.
Maar ein kretje beer, fleske wien
Op ein terras in het zunke.
Neet mieër traktere
Met snoepjes van Jamin.
Maar ein verjäordaagskedootje
Van dien vriendin.
Wat vluug d'n tiéd.
Frietjes van de Mac
Ware der idder jaor beej.
Maar dae tiéd is gewaes
Hielemaol veurbeej.
Gen kerskes mieër op d'n taart
Det waere d'r tevuuël.
Maar ein diek stök vlaai van d'n bekker.
Det vinde weej net zoe lekker.
Wat vluug d'n tiéd.
Dich bis al lang gegreujd
Oet dien haemp en oét dien jasse.
Ouk al geis dich verhoéze nao de maon
Mien ‘Mooderhert’
Blief altiéd veur dich slaon.
Mam
-86– -87-
