Page 72 - Versjes van Truus, deel 5
P. 72
Balkunke
Vanaaf mien balkunke.
Zeen ik de zón óndergaon.
Het is breuërig en werm gewaes.
Ein drenkske zoe ik now neet euverslaon.
De maon die hoeëger en hoeëger klump.
Dae groeëte gekleurde bal.
Dae ik van mien balkunke kin zeen.
Wie ein fel leech in het hielal.
Heerlik zoe now boéte zitte.
De sterre fónkele naor mich.
Het is hoeëg zomer.
Dét vertel ik dich.
Zwoel en druuëg de temperatuur.
En veur d'n dors ein drenkske.
Haopend op ein zomerbuu.
Al is het maar een sprenkske..
Eigelik te werm um te slaope.
Toch zul ik det maar doon.
Nae ik blief nog efkes op mien balkón.
In miene splinternieje nachjapón.
-72- -73-
