Page 54 - Versjes van Truus, deel 5
P. 54
Mien kersserviés
Heb geej det ouk?
Ein ech serviés as 't kersmis is?
En wao des-se 't melkkenke
of het sôkkerpötje mis?
Ik heb det ouk
al mier dan 40 jaor.
Steit in ein krat in de kelder.
Met soms eine gebraoke'n telder.
Toch haet det wat
mien serviés.
Det brink mich ouk
eder jaor van de wies.
Ik heb det van Pap en Mam georve.
Toen zeej zien gestorve.
Zeen ik det op mien taofel staon.
Laot ik dök mien traone gaon.
Ik zeen ós dan thoes.
met z'n alle aan de taofel zitte.
En Pap nao 3 borrels.
al loog te pitte.
Ein serviés
wae had det gedach?
Wat haet det mich weer
van de wies gebrach.
-54- -55-
