Page 25 - Versjes van Truus, deel 5
P. 25
Mooderdaag
Mam, ik schrief dich deze'n breef.
Umdet ik wil zegge: "Ik heb dich leef".
Ik laot dich mei-laeze euver miene schouwer haer.
Ik wil beej dich zien, genne waeg is mich te vaer.
Dien ouge keke in mien weegske.
Staolende ouge, nao mich, zoe klein.
Wao-mei dets dich woe's zegge
"Ik zal veur dich zörge".
Zo'n ouge Mam, die hads dich allein.
Mam, wetse nog?
Ik waas det kleine maedje,
Met in mien häörkes ein groeëte strik.
Mam wetse nog?
Det kleine maedje, det waas ik.
En veel ik waal ens mien kneen kapot,
Stónds dich veur mich en rapsde mich op.
En zags taege mich,
Kind, bewaar dien traone maar veur later,
Dan haese ze nog hard genóg nuuëdig.
Toen dach ik: "Wat bedoelt zeej dao toch mei?"
Noow is ut later
En begriep noow pas
Wat mien Mam toen taege mich zei.
Ik haop det ik dien hand
Later nog ens veule zal.
Stónds altiéd veur mich klaor.
Zelfs in mien deepste dal.
Daorum Mam ,schrief ik deze'n breef.
Umdet ik wil zegge
"Mam......ik heb dich leef"
-24- -25-
