Page 16 - Versjes van Truus, deel 5
P. 16
Jungske
Ik bin noch maar ein jungske.
En gaon neet gaer nao schooël.
Toch bin ik neet d'n dómste.
En greuj wie eine koeël.
Maar as ik in de klas zit.
Dan zit ik gaar neet stil.
En de Meister wuuërd dan kwaod.
En vruuëg dan wat ik wil.
Dan dink ik allemaol det lieëre.
Det is toch niks gedaon.
Want as ik later groeët bin.
Zeen ik de Meister neet mier staon.
Maar.as ik later groeët bin.
En heb dan gaar gen werk.
En misschien getrouwd bin.
Vur de wet of vur de kerk?
En alles wuuërd dan duuster.
Det sprik haos veur zichzelf,
Dan dink ik beej mien eige. .......
Waas ik now noch maar.
Det jungske van ein jaor of ellef.
-16- -17-
