Page 76 - Versjes van Truus, deel IV
P. 76
Mien verdreet
Oét de heuk van mien auge.
Rolt al mien verdreet.
Dit alles gebeurt stiekum.
En minse zeen det neet.
Het löp in ein baan euver mien wange.
Wies ónder aan mien kin.
Ik probeer d'r taege te vechte.
Maar det haet genne zin.
Het löp wies aan mien lippe.
Ik preuf 't in mien mónd.
Het löp euver mien wange.
En velt dan op de grónd.
Dit had ik wille deile.
Maar op dit moment lök det neet.
Oét de heuk van mien auge.
Rolt al mien verdreet.
-76-
-77-
