Page 40 - Versjes van Truus, deel III
P. 40
Aswoensdaag
Eine zwaore kop, ein heise stum,vastelaovend is weer um.
3 daag hebbe weej kinne laeve.
Weej hebbe ós wer duchtig gegaeve.
Genaote hebbe weej van Boerebroelof en Optoch.
En de nuuëdige schaele wazel verkoch.
Wao zien die 3 daag toch gebleve.
De letste smienk van mien gezich gewreve.
Kaetels vaol boeremoos en erwtensoep verslónde.
Jóngk en Ald haet zich gevónde.
De Prinsen doon eure mantel aaf.
En gaon nao eur werk. ......hiel braaf.
Met eur gezich in de dagelijkse ploeij
Het ware zwaor daag maar minse......zoe moeij.
De gäöte staon met pepeer en slingers baol.
De straotvaegers hebbe eur hand wer vaol.
Geliënde spulle waere netjes truuk gebrach.
De träöt op zölder in de doeës gelach.
Weg indiaanepak, chinees of clown.
Weej mótte der wer ein gans jaor mei doon.
Efkes luchte frakke en jasse.
Beschilderde roéte auk gewasse .
De maskers en hudjes verdwiene in de doeës.
Weej veule ós nog wat muug en foeës.
Ik zuug de confettie van de trap.
Vastelaovend hebbe weej wer vur ein jaor gehad.
-40-
