Page 30 - Versjes van Truus, deel III

Aovendgebedje

Leeve Hierke ik mót van Mam noow slaope gaon.
Maar ik vind det hielemaol niks gedaon.
Ik meugde auk neet mier met mien vriendinneke belle.
En ik heb toch nog zoe-vuuël te vertelle.
Vandaag heb ik neet zónne leuke daag gehad.
Toen ik vanmorge opstónd waas miene fiets gejat.
Ik heb gans nao schoeël kinne laupe.
En Mam zei det zeej gen geld haet, um eine nieje te kinne kaupe.
Op de speulplaats hebbe ze mich puuëtje gelap.
En de Meister haet mich toen opgerap.
Hae zei"bäök maar neet 't kump allemaol good".
Maar mien ganse kneen zoot ónder het blood.
Vanmiddaag haet Mam mich met ein ieske nao den tandarts mótte lokke.
En dae haet mich eine baktand getrokke.
Noow heb ik ein gans diek gezich.
En as idderein mich aankiek dan schaam ik mich.
Leeve Hierke ik gaon noow maar slaope.
Ik waer ein bietje muug.
Slaop geej auk maar lekker.
Welteruste. ..........wies morgevruug.....

-30-