Page 10 - Versjes van Truus, deel III
P. 10
Zoe ging det vruúger
Iddere'n daag ein bótterham.
Ein met vleis en ein met kroèt.
De mik gesneeje door ós Mam.
En auk het roggebroëd.
Aan taofel woort eg neet geklaag.
Het waas ein vas ritueel.
Gen keus oét jam of hagelslaag.
Gen vraog of ut dich beveel.
Zoë woorte weej allemaol groeët en knap.
Weej ware bes content.
Met havermout en rièstepap.
Weej woorte neet verwent.
Weej hadde auk nog plaats op straot.
Altiéd vaol met blaage.
Och wat weit ik det nog good.
Weej hadde niks te klaage.
-10 -
