Page 4 - Versjes van Truus
P. 4
Alde foto's bekièke
Pap al wets dich neet mier wae ik bin.
En miene naam vergaete bis.
Ik kóm ederen daag naor dich.
Het is noow al ein gemis.
Pap wets dich nog ? .
Ik waas det kleine maedje.
Met det roze kledje.
En in mien haor ein groeëte strik.
Pap we-se nog ?
Det klein maedje , det waas ik.
Op dees foto Pap, waas dich groeët en sterk.
Heels altièd mien hendje,
as weej leepe naor de kerk.
Zoë hebs dich mich geleid door mien laeve.
Det laeve was dich mich hebs gegaeve.
Auk eine schouwer um te bäöke,
Dae boods dich mich aan.
En zags dökker taege mich "Kóm kind, weej gaon der same taegenaan ".
Auk toverde dich döks eine lach op mien gezich.
Daorum wil ik zegge...... "Pap ik hald van dich".........
Ik keek um aan,hae staarde nao ein hiel klein dingske.
Zien auge fónkelde wie ein Sjtérke.
Hae keek nao mien hand.
.........Dao droog ik Mam eur ringske. ..........
-04-
