Page 252 - Oud-Venlo ingekleurd
P. 252
Zutjes aan
Als ik weer enne schoek kriég in mien kuute,
köm ik hiél röstig lanksaam aan op gangk.
Van spooje geit mien linker uurke tuute,
Dus zutjes aan, d’n daag dae deurt nog langk.
Refrein:
Laot….maar lekker gaon….zoë wie ‘t geit.
Laeve wie de wind…mien jeske weijt.
Zutjes in daen toemel meigaon.
Spooje, det is gauw gedaon.
Ik kôm zoë wiét mien veut mich wille drage,
en det is meistal neet zoë wiét e-weg.
‘t Haet auk genne zin mich op te jage,
ik kôm op mien gemaak auk good terech.
Ik kin neet aan d’n daag van morge dinke,
daen daag haet auk nog noeits aan mich gedach.
Waat kômme môt, det kump, det is ‘t linke,
dus doot d’r nog maar eine op verdach.
Wiel Vestjens & Joke Theeuwen
Muziek: Wim Roeffen
Tekst: Wiel Hermans
Zang: Joke Theeuwen & Wiel Vestjens
(mét toestemming)
-252- -253-
