Page 78 - Herinneringen aan Vruùger

-38-
't Winkelke

Wae kende vruèger de naam Albert Heyn?
De winkels in Venlo die ware maar klein.
In ein kamer in het woeënhoès, maar matig verleech.
Woort handel in snoep en koloniale gepleeg.
Verkoch woort hiering, ouk kroèt en gekruuje met geur.
En het vaat met petroléum stónd achter de deur.
Ouk proémrolle woorte vekoch van "de Nord"
Kenieëlstaef en schoonreme langk en ouk kort.
De beste sigaar kreeg-ze dreej veur eine gros.
In ein zekske met rebus in ein kisje of los.
En naeve de klopriekse, bessems ein hei.
Tössendoor stònd nog ein kisje met prei.
Ze hadde kappeklumpkes en klein zwarte klumpkes.
Versierd op den hemel met möskes of blumpkes.

Graof zalt um petatte te kaoke.
En waas der weer ens ein lampeglaas gebraoke,
Nao 't Winkelke wao de vrouw kwaam oèt de keuke.
Um ein niej exemplaar op d'n brender te zeuke.

-78-