Page 70 - Herinneringen aan Vruùger
P. 70
-34-
Sinter Merte
Mam haet de handschoon en de das al klaorgegach.
Weej gaon Sinter Merte inhaole haet zeej gezach.
Van wièt aaf huuëre weej de Herménie.
Sinter-Mertes veugelke zinge weej dan bliej.
Hónderden fakkels schiène wie sterkes in de nach.
"Let good op het kèrske, haet Mam ós gezach".
Mam pakde mich in den duuster
noch snel beej mien hand.
En wat waas 't, miene fakkel stónd in brand.
Werme traone rolde euver mien kalde wange.
Niks kón mien verdreet noch vevange.
Den troshoup brandde en Sinter-Merte kwaam veurbeej.
Hae had neet in de gate , det ik zoë leej.
Dao stónd ik met ein stekske,
zónder fakkel en ein traon.
En bin toen hieël bedreuf met Mam.
Nao hoès toe gegaon.
-70-
