Page 289 - Blerick van Boven
P. 289
Bliërick Vruuger
Maaszengers
Solist: Frans Peeters
As ik ens bedreufd bin gaon ik laupe
En ik dink dan as ik slenter langs de Maas
‘k Zoel alle plekskes gaer truuk wille kaupe
zoedet ik dao allein den baas van waas!
Wassem en den Bookend zien gebleve,
Holt Bliërick det haet auk zien hert verniejd!
En Echtenraaj det schônk mich miene leeve!
Och minse kinder der waas einen tiëd:
Op det plekske dao in Bliërick wao ik ens gebaore bin
Det is gans veranderd zoedet ik dao neet miër komme kin.
Maar ein dink is neet veranderd beej det plekske aan de Maas:
‘k Sneej ôs name op det buimke in ‘t graas.
Op det plekske dao in Bliërick wao ik ens gebaore bin
Det is gans veranderd zoedet ik dao neet miër kômme kin.
Maar ein dink is neet veranderd beej det plekske aan de Maas:
‘k Sneej ôs name op det buimke in ‘t graas…..
Zaarderheike det is nôw begrave
En ik weit nog wao de Zôngerd is gewaes
De Kaolentip is nôw de nieje have:
ôs alde luuj die hebbe dao gepaes!
Tangkoel, Zaodbrook en ‘t Euverkaore
De Spekberg,’t Ubrook en de Meulebös
Wat is d’r van die plekskes toch gewaore:
Dao is mich wat geschans en aafgekös:
